სიახლე

1 აპრილს, საქართველოს სახელმწიფოებრივი დამოუკიდებლობის რეფერენდუმის დღესთან დაკავშირებით, ჩვენი გიმნაზიის მოსწავლეთა ერთი ჯგუფი საქართველოს პარლამენტს ესტუმრა;

მოსწავლეებს მასპინძლობდა პარლამენტის თავმჯდომარის პირველი მოადგილე, ბატონი გიორგი ვოლსკი, რომელიც ბავშვებს ქართული პარლამენტარიზმის ისტორიის შესახებ ესაუბრა, გაიხსენა გიმნაზიაში სტუმრობის დაუვიწყარი დღის შთაბეჭდილებები და აღნიშნა, რომ ჩვენი გიმნაზია ერთ ერთ საუკეთესო საგანმანათლებლო დაწესებულებად მიაჩნია.

მოსწავლეებმა დაათვალიერეს ახლადგახსნილი პარლამენტარიზმის მუზეუმი, სასესიო დარბაზი, დავით აღმაშენებლის, შოთა რუსთაველისა და მარო მაყაშვილის დარბაზები, გადაიღეს სამახსოვრო სურათები.