სიახლე

ბოლოს მთავარი: გიმნაზიის მოსწავლეთა მრავალფეროვანი შემოქმედება. ყველა კლასმა, დამრიგებელთა ხელმძღვანელობით და მშობელთა თანადგომით, წარმოადგინეს შემოდგომის მრავალფეროვნება, და საქართველოს ყველა კუთხისათვის დამახასიათებელი ნაირსახეობანი. ბავშვებმა, რომლებმაც აფხაზეთი წარმოადგინეს სიყვარულის, მეგობრობისა და ერთიანობის გზავნილი გაუგზავნეს თავიანთ აფხაზ თანატოლებს,

მეტად ემოციური იყო ჩვენი ფერეიდნელი მოსწავლეების ბაბუის რეზო დავითაშვილის სიტყვა, რომელიც სცენიდან მიმართა ზეიმის მონაწილეებს და სამშობლოს სიყვარულისკენ მოუწოდა ( კადრებს ამ გამოსვლიდან უახლოეს ხანში შემოგთავაზებთ)

შემოდგომის ზეიმზე ტრადიციულად თონეში გამოცხვა პური, გამოიხადა არაყი, მოდუღდა თათარა, ამოივლო ჩურჩხელები, მოიხარშა ხინკალი, შამფურებზე შეიწვა მწვადი, ქვევრიდან დაჭაშნიკდა ღვინო.

საშემოდგომო ზეიმს მოსწავლეთა მშობლებთან და ოჯახის წევრებთან ერთად უამრავი სტუმარი ესწრებოდა: მათ შორის იყვნენ: აფხაზეთის უმაღლესი საბჭოს დეპუტატი, კულტურისა და განათლების კომიტეტის თავმჯდომარე, ნუგზარ მგალიბლიშვილი, ქართველების პოეტი თინათინ მღვდლიაშვილი, პარლამენტის ბიბლიოთეკის დირექტორის მოადგილე მირიან ხოსიტაშვილი, საპატრიარქოს ოფიციალური ვებ. გვერდის ხელმძღვანელი არქიმანდრიტი მიქაელ ბრეგვაძე, თბილისის სახელმწიფო კონსერვსტორიის პროფესორი რუსუდან ხორავა. სტუმრები ხულოდან ცნობილი ექიმი გოჩა თავართქილაძე და საზოგადოება "სამშობლოს" დამფუძნებელი და ხელმძღვანელი, პოეტი ზია საგინაძე...... საზოგადო მოღვაწე აფხაზეთიდან მანანა სოტკილავა, სასულიერო პირები, საპატრიარქოს თანამშრომლები....., საზოგადოების თვალსაჩინო წარმომადგენლები, ლოტკინის უბნის მცხოვრებლები, წმიდა ტბელ აბუსერისძის სახელობის ტაძრის მრევლი.

შემოდგომის საღამოს ორგანიზებას უწევდნენ სკოლა პანსიონის საზოგადოებასთან ურთიერთობის სამსახურის უფროსი ნანა /ციცინო/ ანთაძე და კლასგარეშე მუშაობის მენეჯერი რუსუდან რევაზიშვილი და ნათია პაპინაშვილი.

შემოდგომის ზეიმი გვიან საღამომდე გაგრძელდა