სიახლე

18.06.2023

პატარა მუსიკოსები წმიდა ძმები კარბელაშვილების სახლს სტუმრობდნენ

წმიდა თამარ მეფის სახელობის ხელოვნების სკოლა-პანსიონის მოსწავლეები, რომლებმაც მონაწილეობა მიიღეს ეროვნულ ბიბლიოთეკაში გამართულ კლასიკური და ფოლკლორული მუსიკის საანგარიშო კონცერტში, პედაგოგებთან და მშობლებთან ერთად - ქვემოჭალაში, წმიდა ძმები კარბელაშვილების სახლ-მუზეუმს სტუმრობდნენ......

მოსწავლეები გაეცნენ ძმები კარბელაშვილების ცხოვრებასა და მოღვაწეობას, დაათვალიერეს მემორიალური სახლი და ექსპონატები, გადაიღეს სამახსოვრო სურათები......

მოსწავლეებმა ეზოში შეასრულეს მუსიკალური ნომრები.

მოსწავლეებთან და მშობლებთან ერთად მუზეუმში იმყოფებოდნენ: ხელოვნების სკოლის დირექტორი- ნანა (ციცინო) ანთაძე, სახელოვნებო მიმართულების კოორდინატორი - თამილა ფოლადიშვილი. ფორტეპიანოს პედაგოგები - ეკატერინე სანაძე, შორენა ებრალიძე, მაია თუშიშვილი, ვიოლინოს პედაგოგი- ლელა ქუმსიაშვილი, გიტარის პედაგოგი - ნინო ამირანაშვილი, ხალხური საკრავების პედაგოგი - მალხაზ ქოიავა, ვაჟთა ხალხური სიმღერის პედაგოგი ტარიელ ხუციშვილი. გიმნაზიის რექტორი, დეკანოზი მირიან სამხარაძე, საქართველოს ისტორიის პედაგოგი - იოსებ აფაქიძე.

მართლმადიდებელი ეკლესია ძმებ კარბელაშვილებს მოიხსენიებს: წმიდა მღვდელ-მოწამეებს პეტრესა და ანდრიას, წმიდა აღმსარებლებს - ეპისკოპოს სტეფანეს, მღვდლებს პოლიევქტოსსა და ფილიმონს.

ხუთმა ძმამ, ხუთმა სასულიერო პირმა, უდიდესი ღვაწლი დასდო ქართულ კულტურას, ქართული გალობის აღდგენა-გადარჩენასა და ნოტებზე გადატანის საქმეს.

წმიდა ძმები კარბელაშვილები

მონაწილეობდნენ წმიდა ილია მართლის (ილია ჭავჭავაძის) მეთაურობით მიმდინარე ეროვნულ-განმათავისუფლებელ და პროგრესულ-კულტურულ მოძრაობაში, იბრძოდნენ საქართველოს ეკლესიის ავტოკეფალიისათვის, სამშობლოს თავისუფლებისა და დამოუკიდებლობისათვის.

გალობასთან ერთად, ძმებმა კარბელაშვილებმა ეროვნული კულტურის არაერთი ძეგლი, გადაარჩინეს.

კარბელაშვილებმა ცხოვრება მიუძღვნეს ერის ღირსების დაცვას, მისი იდენტობისა და თვითმყოფადობის შენარჩუნებას.