სიახლე

14.06.2023

წმიდა თამარ მეფის სახელობის გიმნაზიის, წმიდა გიორგი მთაწმინდელის სახელობის მე - 8 ბ კლასის მოსწავლეებმა (დამრიგებელი მაყვალა ანთაძე) და მოსწავლეთა მშობლებმა, მოსწავლეთა ცნობიერების ამაღლების მიზნით კახეთის სიწმინდეები: ალავერდი, შუამთა და იყალთო მოილოცეს.........

მოსწავლეებმა იყალთოს განათლებისა და კულტურის ცენტრში, აკაკი წერეთლის "ბაში-აჩუკის" მიხედვით აღადგინეს და გაანალიზეს მე - 17 საუკუნის მეორე ნახევრის საქართველოს ისტორია , მოიძიეს ინფორმაცია 1659 წლის, ბახტრიონის აჯანყების შესახებ და ისტორიული და ლიტერატურული პერსონაჟების მხატვრული სახეებიც განიხილეს.......

ასევე ბავშვებმა ქაღალდის ბანერებზე წარმოადგინეს საინტერესო ჯგუფური აქტივობა ,,მიწერე წერილი პერსონაჟს", სადაც გამოაქვეყნეს "ბაში-აჩუკის" პერსონაჟთა სურათები, და პირადი წერილები: ბაში აჩუკს, შაჰ აბასს, ბიძინა ჩოლოყაშვილს, აბდუშაჰილს, თიმსალ მაკოს და სხვა პერსონაჟებს......

როგორც, კლასის დამრიგებელი და ქართული ენისა და ლიტერატურის პედაგოგი, მაყვალა ანთაძე აღნიშნავს: - გამოიყენეს ამერიკელი ფსიქოლოგის, ჰარვარდის უნივერსიტეტის პროფესორის - ჰოვარდ ერლ გარდნერის მრავალმხრივი ინტელექტის თეორია, რომლის მეშვეობითაც წარმოჩინდა მოსწავლეთა მიერ ტექსტის ცოდნა, საკითხის ღრმა და საფუძლიანი, ერთმანეთისაგან განსხვავებული ანალიზი და პირადი დამოკიდებულება ყველა პერსონაჟის მიმართ.....

ბოლოს მოსწავლეებმა მოილოცეს შუამთის მონასტერი, სადაც 1956 წელს, კინორეჟისორმა ლეო ესაკიამ გადაიღო ცნობილი ფილმი "ბაში-აჩუკი", აკაკი წერეთლის ამავე სახელწოდების მოთხრობის მიხედვით......