სიახლე

26.05.2023

წმიდა თამარ მეფის სახელობის გიმნაზიისა და ხელოვნების სკოლა-პანსიონის მოსწავლეებმა პირველი რესპუბლიკის დაფუძნებისა და საქართველოს ეროვნული გმირის მერაბ კოსტავას დაბადების დღე, მამადავითზე, მთაწმინდის მწერალთა და საზოგადო მოღვაწეთა პანთეონში აღნიშნეს....

გიმნაზიის რექტორმა, დეკანოზმა მირიან სამხარაძემ მერაბ კოსტავას საფლავთან, სულის მოსახსენებელი პანაშვიდი გადაიხადა და გიმნაზიის მოსწავლეებს საქართველოს ეროვნულ-განმათავისუფლებელი მოძრაობის აღმავლობის წლების შესახებ ესაუბრა.....

შემდეგ მამა მირიანმა ზვიად გამსახურდიას, ქაიხოსრო ჩოლოყაშვილის, დიმიტრი ყიფიანის, იაკობ გოგებაშვილისა და გიორგი კვინიტაძის საფლავები აკურთხა........

მოსწავლეებმა მოინახულეს ქართველი მწერლებისა და საზოგადო მოღვაწეების საფლავები, მოილოცეს მამა დავითის ტაძარი და პანთეონის სკვერში 26 მაისისადმი მიძღვნილი - ლიტერატურულ მუსიკალური კომპოზიცია წარმოადგინეს......

მოსწავლეებთან ერთად იმყოფებოდა მერაბ კოსტავას შვილი - თამთა კოსტავა.......