სიახლე

23.05.2023

"საიდუმლო წერილები"

წმიდა თამარ მეფის სახელობის გიმნაზიაში, სტუმრად იმყოფებოდნენ: საქართველოს ეროვნული გმირის მერაბ კოსტავას მემორიალური სახლ-მუზეუმის დირექტორი, ქალბატონი ციცინო მაღლაფერიძე და მუზეუმის მეცნიერ_თანამშრომელი ეკატერინე ნინუაშვილი, რომლებმაც გიმნაზიის ლიტერატურულ სივრცეში წარმოადგინეს საგანმანათლებლო პროგრამა - "საიდუმლო ბარათები".......

სტუმრებმა ისაუბრეს საქართველოს უახლესი ისტორიის იმ პერიოდზე, როდესაც საბჭოთა იმპერიის მიერ, 1956 წლის 9 მარტს დახვრეტილ იქნა ქართველი დემონსტრანტები და მის შემდგომ განვითარებული მოვლენების შესახებ, რომელმაც ეროვნულ-განმათავისუფლებელი მოძრაობის ახალი არალეგალური ორგანიზაციების წარმოშობა განაპირობა.......

ასეთი ორგანიზაცია გახლდათ სტუდენტების მიერ ჩამოყალიბებული ეროვნულ-განმათავისუფლებელი მოძრაობის ჯგუფი "გორგასლიანის" სახელწოდებით...... ამ ჯგუფში გაერთიანებული იყვნენ ქართველი პატრიოტები: მერაბ კოსტავა, ზვიად გამსახურდია, გურამ დოჩანაშვილი, ჯონდო მეტრეველი, ვლადიმერ სიხარულიძე, თამაზ გუნჯუა და სხვები......

საბჭოთა უშიშროების სამსახურებმა აღმოაჩინეს ეს ჯგუფი და დააპატიმრეს მათი წევრები, რომელთაც სასამართლომ სხვადასხვა ვადით პატიმრობა მიუსაჯეს, რაც შემდგომში პირობითი სასჯელით შეუცვალეს......