სიახლე

28.03.2023

წმიდა თამარ მეფის სახელობის გიმნაზიის, წმიდა სოლომონ მეორის სახელობის მე - 5 ა კლასის მოსწავლეებმა (დამრიგებელი იოსებ აფაქიძე) წარმოადგინეს იაკობ გოგებაშვილის ნაწარმოებეზე შექმნილი ლიტერატურულ-მუსიკალურ-დრამატული კომპოზიცია "იავნანამ რა ქმნა"......

ინსცენირება და დადგმა განახორციელა კლასის ქართული ენისა და ლიტერატურის პედაგოგმა თამთა ხარატიშვილმა.......

ეს ღონისძიება იმითაა მნიშვნელოვანი რომ, კომპოზიციაზე მუშაობის პერიოდში ბავშვები გაეცნენ მე-19 საუკუნის ქართულ მწერლობას და იაკობ გოგებაშვილის შემოქმედებას, ნაწარმოებში წარმოდგენილი ეპოქის საქართველოს ისტორიას, ყოფას, ფოლკლორს ეთნოგრაფიას, ეთნოლოგიას, ქართველი ხალხის ურთიერთობას ჩრდილო კავკასიის მრავალეთნიკურ მოსახლეობასთან, ასევე იბერიულ-კავკასიური ერთობის მნიშვნელოვან საკითხებს.......

ღონისძიების შემდეგ, გიმნაზიის მეთოდური მუშაობის ხელმძღვანელმა, წამყვანმა პედაგოგმა - მაყვალა ანთაძემ ღონისძიების ლიტერატურულ - მხატვრული ანალიზი გააკეთა და მადლობა გადაუხადა ბავშვებს და პედაგოგს გაწეული შრომისათვის.

წარმოდგენას ესწრებოდა - ბავშვები, პედაგოგები და მოსწავლეთა მშობლები დალოცა გიმნაზიის რექტორმა, დეკანოზმა მირიან სამხარაძემ.....

რექტორმა განსაკუთრებული მადლობა გადაუხადა ქართული ენისა და ლიტერატურის გამორჩეულ პედაგოგს თამთა ხარატიშვილს იმ აქტივობისათვის, რასაც ის იჩენს გიმნაზიის ყოველდღიურ ცხოვრებაში და ყოველწლიურად აბარებს შემოქმედებით ანგარიშს დირექციასა და მშობელთა საზოგადოებას, ასეთი შესანიშნავი, მაღალ მხატვრულ დონეზე მიმზადებული ღონისძიებებით.......

ლიტერატურულ-მუსიკალურ- დრამატულ კომპოზიციას ესწრებოდნენ მოსწავლეთა მშობლები, გიმნაზიის პედაგოგები, დირექციის წევრები: სასწავლო პროცესების მენეჯერი - მზიური კოჩალიძე, კლასგარეშე მუშაობის მენეჯერი - რუსუდან რევაზიშვილი, საზოგადოებასთან ურთიერთობის მენეჯერი - ნანა ანთაძე, ხარისხის სამსახურის მენეჯერი - მარინა გოგოლაძე.