სიახლე

ფერეიდნელი, მაზანდარელი და ჰერეთელი ბავშვების ახალი ნაკადი

კატეგორია : გიმნაზია | ქვეკატეგორია : განათლება | გამოქვეყნდა: 2023-04-02 19:13:47

გაზიარება: Facebook | Twitter | Whatsapp | Linkedin

ამ ფოტოზე ფერეიდნელი, მაზანდარელი და ჰერეთელი ბავშვების ახალი ნაკადია...... 

ისინი წმიდა თამარ მეფის სახელობის გიმნაზიის მოსწავლეები არიან, ზოგმა ქართული ჩვენთან ისწავლა ზოგი ახლა სწავლობს.. უყვართ ჩვენი გიმნაზია და აქ თავს ბედნიერად გრძნობენ

მათი მშობლები  ქალბატონ ნანას დედას  ეძახიან. ჩვენმა პატრიარქმა ერთ-ერთ შეხვედრაზე ქალბატონ ნანას უთხრა: "შენ ამათი დედა ხარო".....  და მას შემდეგ ყველა ფერეიდნელი და ჰერეთელი ასე მომართავს . ქალბატონი ნანა ამასთანავე, საქართველოს საპატრიარქოს, ქართველ მუსლიმანებთან ურთიერთობის ხელმძღვანელიცაა, მისი უწმიდესობის ლოცვა-კურთხევით.....

უემოციოდ ვერ მოისმენ მათ ნაამბობს,  ემოციას ხშირად ცრემლიც მოჰყვება ხოლმე უსმენ და გიხარია მათი უსაზღვრო სიყვარული საქართველოსადმი...გიხარია მათი დაბრუნება....

ისინი საქართველოში ჩვენი  გიმნაზიის იმედითაც ბრუნდებიან......

აქ, მათთან ერთად სწავლობენ მოსწავლეები

დედაქალაქიდან და ხელოვნების ნიჭით გამორჩეული ბავშვები საქართველოს სხვადასხვა კუთხიდან,  ეკომიგრანტები ზემო აჭარიდან და სხვა მაღალმთიანი რაიონებიდან....

აქ, ქრისტიან ბავშვებთან ერთად სწავლობენ და ხელოვნების სკოლის კამპუსში ცხოვრობენ ქართველი  მუსლიმანი ბავშვები, რომელთაც სამშობლოსა და ერთმანეთის სიყვარული აერთიანებთ.... 

 400 წლის წინათ, ირანიდან საქართველოში, გადასახლებული ქართველები, როდესაც სამშობლოში ბრუნდებიან, ჩვენი გიმნაზია და ხელოვნების სკოლა-პანსიონი, მათ შვილებს ეხმარება ახალ გარემოსთან შეგუებაში, ენის შესწავლასა და განათლების მიღებაში

მნიშვნელოვანია ის ,რომ  ფერეიდნელი, მაზანდარელი  და ჰერეთელი ბავშვების ძირითად საგანმანათლებლო მომსახურეობას სრულად აფინანსებს სრულიად საქართველოს კათოლიკოს-პატრიარქი.......

საქართველოსთვის.

სამშობლოსათვის, 

სახელმწიფოსათვის

აუწონავ და შეუფასებელ საქმეს აკეთებს ჩვენი  გიმნაზია და სკოლა-პანსიონი

გვესტუმრეთ  და ადგილზე იხილეთ თუ რა ძალა აქვს საქართველოს მართლმადიდებელი ეკლესიისა და ჩვენი პატრიარქის ლოცვა-კურთხევას, აგრეთვე გიმნაზიის რექტორის, დეკანოზ მირიანის დიდ ძალისხმევას......

მეტი ინფორმაციის სანახავად გადადით facebook ლინკზე...