სიახლე

03.11.2022

გიმნაზიაში მათემატიკის კათედრის სხდომა ჩატარდა, რომელსაც გიმნაზიის რექტორი, დეკანოზი მირიან სამხარაძე და სასწავლო პროცესების მენეჯერი მზიური კოჩალიძე ესწრებოდნენ......

სხდომას კათედრის ხელმძღვანელი შორენა ოქრიაშვლი უძღვებოდა, განიხილეს საკითხები მათემატიკის სწავლების მეთოდების, ეროვნული სასწავლო გეგმის მიხედვით საათობრივი დატვირთვის, მათემატიკური კლასგარეშე აქტივობებისა და სხვადასხვა ღონისძიებების შესახებ.......

კონკურსის შედეგად, ახლ სასწავლო წელს დანიშნულმა პედაგოგებმა: წამყვანმა მასწავლებელმა ეკატერინე ზაზაშვილმა და უფროსმა მასწავლებელმა ლელა ჩხაიძემ მადლობა გადაუხადეს გიმნაზიის დირექციას ნდობისათვის და შესარჩევი კონკურსის სამართლიანი ჩატარებისათვის, კმაყოფილება გამოთქვეს მოსწავლეთა ცოდნის დონით და მათემატიკის საგნით დაინტერესებით..... წარმოადგინეს თავიანთი ხედვა მათემატიკის სწავლების ახალი მეთოდების დანერგვისა და მოსწავლეთა მათემატიკის საგნით დაინტერესების საშუალებების, მათ შორის კლუბური მუშაობის შესახებ.....

გადაწყდა, რომ მათემატიკის მოყვარულთა კლუბის წევრები პირველ ვიზიტს გამართავენ საქართველოს მეცნიერებათა აკადემიის ანდრია რაზმაძის სახელობის მათემატიკის სამეცნიერო კვლევით ინსტიტუტში.

დაევალა კათედრის წევრს, ციფრული ტექნოლოგიების პედაგოგს - თორნიკე ნამორაძეს, უზრუნველყოს საგაკვეთილო პროცესში ციფრული ტექნოლოგიების მაღალ დონეზე ჩართულობა......

გიმნაზიის რექტორმა, დეკანოზმა მირიან სამხარაძემ მადლობა გადაუხადა კათედრის ხელმძღვანელს - შორენა ოქრიაშვილს გაწეული მუშაობისათვის და იმ თავდადებისათვის, რაც მან გამოიჩინა მასწავლებელთა შესარჩევ კონკურსამდე პერიოდში, რათა არ გაცდენილიყო გაკვეთილები.......

მათემატიკის კათედრის შემდეგი სხდომა, მომავალ კვირაშიც გაიმართება.......